منتدى الحوار المطلق ..... منتدى الرأي و الرأي الاخر
مرحبا بكم , حللتم أهلا و نزلتم سهلا تحت غطاء الحوار المطلق

انضم إلى المنتدى ، فالأمر سريع وسهل

منتدى الحوار المطلق ..... منتدى الرأي و الرأي الاخر
مرحبا بكم , حللتم أهلا و نزلتم سهلا تحت غطاء الحوار المطلق
منتدى الحوار المطلق ..... منتدى الرأي و الرأي الاخر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الحوار المطلق ..... منتدى الرأي و الرأي الاخر

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

كفاية بقلم لطارق المحياس

3 مشترك

اذهب الى الأسفل  رسالة [صفحة 1 من اصل 1]

1كفاية بقلم  لطارق المحياس Empty كفاية بقلم لطارق المحياس الأحد 07 يونيو 2009, 00:07

شمــ ليال ـــوخ

شمــ ليال ـــوخ
عضو نثق به (ا)

[center]
كفايه صار لك شهرين غايب عني يالغالي
كفايه يا اعز الناس ترا والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
ابتحمل عنا فرقاك وحالي يرثي لحالي
مع اني والله لين اليوم مدري ليش بس تهجر
ابعرف شالسبب ارجوك وش اللي بس يجرالي
انا شسويت يا ربي عشان تثور وتتفجر
انا والله ما استاهل ابد كل اللي يجرالي
اقل ما فيها بس قللي سبب خلاك تتغير
ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمه بالمسج الله يا غربالي
واقول بخاطري معقوله حاسس فيني ويشعر
وارد اقول لأ يمكن تذكرني وهو سالي
لاني توني مطرش مسج طرش مسج يشكر
وارد اقول لأ ادري يبيني وحاسس بحالي
وارد اقول لا ما اظن على باله انا اخطر
الين اني انا اتاكدت قلبه بالفعل خالي
ولا غيري انا بقلبه يحبني موت ويقدر
لاني مره مالمرات طرت فكره علا بالي
نويت ازعل بدون اسباب واشوفه لو بيتاثر
ابعرف قدري بقلبه بيهمه وضعي الحالي
او انه راح يطنشني ولا ياسال ويستفسر
وفعلا دق ما جاوبت حرقلي والله جوالي
ثلاث الاف مره دق وانا مطنش ولا معبر
كتبلي بالمسج اطلع انا عند بابك الحالي
قسم بالله ما تطلع لاخربها انا واحدر
ومشكلتي اعرفه زين يسويها ولا يبالي
نزلت وخاطره مكسور يقول شفيك متغير
وقلتله بس ابتاكد اذا قدري معك عالي
ضحكلي وقالي اتاكدت ودمعه بلل المحجر
وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر
بعدها عشت احلى ايام في قربه هنيالي
وصلنا لمرحله ما نفترق عن بعضنا واكثر
بعدها فجاه خلاني ولا يسال عن احوالي
وانا في خاطري ادري محال فيوم يتغير
ادق له ما يجاوبني بديت اشك في حالي
اخاف انه حصل له شي اخافه بس متكدر
لعب في قلبي الوسواس خياله ما تهيالي
حوالي الف مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر
الين اني عرفت شلون اخلي خلي الغالي
يكلمني وجت فكره بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيره علي الغالي اتغير
سالته قلتله وش فيك ما من شر يالغالي
وش اللي صار بالدنيا علامك ليش متبعثر
اونك يعني ما تدري بدونك صرت انا لحالي
ولا لي خلق اي انسان كثر ما فيك انا افكر
وجاوبني وقال ارجوك ابي هالدنيا تصفالي
انا مليت من وضعي واشوف الكل متغير
انا ضاقت بي الدنيا وابي ابقى انا لحالي
خلاص اتركني لا تسال وانا برجع عقب اشهر
وقلتله مو علي تكذب اعرفك تضعف قبالي
تكلم قول شالموضوع بدا قلبي يدق اكثر
سكت لحظه وقال ارجوك ابعد عني يالغالي
وخلني اذكرك بالخير وانته مثلي اتذكر
ولا اتطرش مسج واحد ولا اتدق لي ابد تالي
واذا لي خاطرن عندك لا تتكلم ابد سكر
وقلتله والله ما اسكر الين تقول وتصفالي
وقالي والله ما اتكلم ولو تبكي دمع احمر
ولكن شوف ربعك وانته تعرف بس وش جالي
خلاص افهمها عالطاير ولاتحرجني بعد اكثر
وسكر والدمع فيني على الخدين همالي
قسم بالله ما ادري علامه قلبه اتحجر
فوادي انهار وانا حملي يهد جبال وجبالي
في لحظه صارت الدنيا في عيني هالكبر واصغر
حسافه ما توقعته يصدق فيني عذالي
حسافه ما هقيته يوم يصد عني ويتغير
بعدها صارلي ما صار وربي يعلم بحالي
فوادي باقي بس شوي واحسه من الجسم يظهر
بديت اعرق ومدري ليش وخابت كل امالي
انا اتوقعت كل الناس ولا توقعت هو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول اغيابه وزادت فيني اعلالي
مرض قلبي تعب فكري واحسه جسمي متخدر
وقلت خلني اطرشله مسج واشكيله احوالي
وطرشت المسج وشوي دق لي ودون ما افكر
هلا والله يا اغلى الناس هلا والله بالغالي
الو طارق ما قلتلك لا تذكرني او اذكر
ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر
قسم بالله لين اليوم وحالي يرثي لحالي
قسم بالله الين اليوم ولا ادري ليش اهو اتغير
قسم بالله ما غظت عيوني ولا هدى بالي
قسم بالله ما مر يوم الا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفالي
اقول الشوق بيرده على فرقاي ما يقدر
الين اليوم وضحكاته وبسماته على بالي
الين اليوم ما ارقد كثر ما فيه انا افكر
ابعرف شالسبب ارجوك وش اللي بس يجرالي
انا شسويت ياربي عشان تثور وتتفجر
انا والله ما استاهل ابد كل اللي يجرالي
اقل ما فيها بس قلي سبب خلاك تتغير
ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر
انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر
سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر
ولكن حكم احساسك وجاوب يا اغلى كل غالي
بذمة والديك يهون تنساني ولا تذكر
يهون انك تخليني ولا تسال ولا تبالي
يهون انك تنام الليل وتتركني انا اسهر
كفايه صار لك شهرين غايب عني يالغالي
كفايه يا اعز الناس ترا والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
[/center]






التوقيع:

.. ليــت الدنيــآآ مثـل آمــي .!!. آزعلهـآ وترآآضيـنـي ..

2كفاية بقلم  لطارق المحياس Empty رد: كفاية بقلم لطارق المحياس الأحد 07 يونيو 2009, 16:40

جريح المحبه


عضو نثق به (ا)


السلام عليكم
مشكوررررررررررره ياشموخ على الكلام والابداع
والله يعطيك العافيه
bounce bounce bounce bounce

3كفاية بقلم  لطارق المحياس Empty رد: كفاية بقلم لطارق المحياس السبت 13 يونيو 2009, 20:34

المتمرسة

المتمرسة
عضو نثق به (ا)


السلام عليكم ورحمة الله تعالى و بركاته

شكرا للأخت ليال

شكرا لأنك عرفتيني على الشعر الخليجي

كم هو جمل جدا

و بكل صراحة لم أكتشفه من قبل ليس اهمالا انما مسألة وقت و ظروف و أنت قصرتي المسافات و قلصت الوقت و أخدتني من يدي لتعرفيني على هدا اللون الجميل

أنتظر منك الكثير لتعرفينا أكثر على هدا اللون الشعري المميز

و لن أخفي أمرا وهو أن القصيدة أكثر من رائعة حين نستمع لها بصوت الكاتب طارق المحياس

فأتمنى أن تحملي الينا الرابط حتى يتمكن الجميع من الاستماع لها و الاستمتاع أكثر بها.

تحياتي


الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى