الرئيسية
ايوا ها الدارجة تقلقات وقالت ليك تأنا بغيت نهني السي عطار
تأنا بغيت نقول لو مالو على هاد الغياب راه القلب معاه طار
وبغيت نقول ليه عيد ميلاد سعيد ان شاء الله تفرح بنوال
وبغيت نسولو واش على الرجعة راه ما عوال
راه توحشت يكتب بي المدح كيفما كيكتب بي المعيار
بغيت نقول لو رجع راه توحشاتك الدار و أهل الدار
بغيت نشيد بيه و بهاد الشي اللي دار واللي باقي ما دار
بحالك ما كين حتى واحد وبلاصتك كتسناك راه بيك العمار
نتا مول الدار وعارفين بلي لي مانعك قوي وجبار
بيدينا حاجة وحدا ندعيو معاك الله يعينك على كل من جار
براكة من اللوم والعتاب ولو راك عارف راه غير من معزتك علينا
يا ربي ترجع لينا ولهاد الأسرة الي جميعتها ونكونو جميع هنا
راه إلى رجع مول الدار غادي يجمع الدراري عليه ونفرحو كاملين
وإن شاء الله نوصلو فين بغينا سالمين غانمين منتصرين
تحية من اللغة الدارجة إلى من أبدع أهازيجا وأشعارا لاذعة وأخرى ناعمة
وعيد ميلاد سعيد بالصحة والنجاح والمزيد المزيد من العطاء