منتدى الحوار المطلق ..... منتدى الرأي و الرأي الاخر
مرحبا بكم , حللتم أهلا و نزلتم سهلا تحت غطاء الحوار المطلق

انضم إلى المنتدى ، فالأمر سريع وسهل

منتدى الحوار المطلق ..... منتدى الرأي و الرأي الاخر
مرحبا بكم , حللتم أهلا و نزلتم سهلا تحت غطاء الحوار المطلق
منتدى الحوار المطلق ..... منتدى الرأي و الرأي الاخر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الحوار المطلق ..... منتدى الرأي و الرأي الاخر

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

منتدى الحوار المطلق ..... منتدى الرأي و الرأي الاخر  » منتدى الشعر و الخواطر » شعر باللسان العامي و الساخر » كان يا ما كان

كان يا ما كان

3 مشترك

اذهب الى الأسفل  رسالة [صفحة 1 من اصل 1]

1كان يا  ما كان Empty كان يا ما كان الجمعة 08 أغسطس 2008, 02:41

عطار.أبو نوال

عطار.أبو نوال
عضو نثق به (ا)

بسم الله الرحمن الرحيم
السلام عليكم و رحمة الله تعالى و بركاته
هذه قصيدة مغربية إن شاء الله سأحكي فيها بعض المشاهد من حياتنا

كَانْ يَا مَا كَانْ حْكَايَة خْسَارَة فَاتْ مْنْ العْجَايْزْ حْكَاتْها للصُّبْيَانْ

قْبَلْ مْا تْنَامْ
وْ خسارة حْتَّى الرَّاوِي لْعْمَى وْلا كَيْنْطَقْ بْلا رْزَانَة وْ بْلا بَيَانْ
ماتْ الكْلامْ
العَقْرُوشَاتْ وْلاوْ حْتَّى هُومَا تَابْعِينْ المُوضَة بْالتّْزْوَاقْ و التّْفْنَانْ
وْ زِيدْ لْقُدَّامْ
لاحُو التّْسْبِيحْ وْ الشّْدّْ وْعَرَّاوْ دُوكْ الزّْغِيبَاتْ للِّي بَاقِينْ لْلْعْيَانْ
هَادْ شِّي حْرَامْ
مَا هْمُّونِي غِيرْ الصُّبْيَانْ تْحَرْمُوا مْنْ المْحَاجِي و الكلامْ الْمْزْيَانْ
وْ لا حَدّْ يْتْلامْ
اللِّي شَابْ عَادْ بْغَا يْعَلَّقْ حْجَابْ و الشَّبَابْ مْسْكِينْ تَايْهْ هِيمَانْ
وْمْاتْ بْالتّْخْمَامْ
الزْوَاهْكْ^ لْلرّْجَالْ وْ الْكْمَايَة عَادَيَّة وْلاتْ عَنْدْ شَابَّاتْ وْ شُبَّانْ
و الشِّيشَة فْالتّْمَامْ
القْفُوزِيَّة جَابْتْ الدُّورَة وْمَبْقِيتيِشْ تْشُوفْ وَاحْدْ جَارِي وْلاخُرْ هَرْبَانْ
أَزَيَّّْْرْ لْحْزَامْ
اللي عْجْبُو صُوتُو يْجَرْبُو فْالُحَمَّامْ وْاللي خَافْ عْلَى خُبْزُو يْوْقَفْ فْبَابْ الْفَرَّانْ
وْعَنْدَاكْ مْنْ الزّْحَامْ
غْفْلْ طَارْتْ عِينْكْ ,نًوضْ مْشَا لِيكْ مْكِيْنَكْ , أَجْمَعْ رَاصْكْ هَادِي بْلاصْةْ فْلانْ
خَافْ مْنْ التّّْهْدَامْ!
هَاكْ وْ أَرَى مَا فِيهَا حْزَارَة إِلا بْغِيتِي غَرَضْكْ يْتْقْضَى وْتْبْقَى مْرْتَاحْ لْدْهَانْ
إِيوَا بْيّْنْ لِيدَامْ
دَوْلَة الحَقّْ وْ القَانُونْ ,وَبْغِينَاهُمْ لْدّّْوَا هَادْ الجُّوجْ قََالُوا تْلْقَاهُمْ فْلالْمَانْ
ْوْلاَ أَمْسْتِرْدَامْ
أَمَّا مْنْ هْنَا حْتّىَ هُومَا بْالقَهْرَة حَرْكُ^وا وْمَا خَافُو لا مْنْ مُوتْ وْ لا حِيتَانْ
َخَاصّْكْ تْوَلِّي عَوَّامْ
اللَّي لْفُوقْ وَاكْلِينْهَا وْ انْتَ بْقَا دَّايْهَا فْالمُتَنَبِّي وْ جَرِيرْ وْنِزَارْ وْحَسَّانْ
وْدَايْرْ رَاسْكْ ضِرْغَامْ
وْ أَخْرْتْهَا تْعْتَصْمْ وْ يْلَبِّيوْ لِيكْ كُلّْ مَا طْلَبْتِي بْأَحْسَنْ هْرَاوَة فْبَابْ البْرْلَمَانْ
وْ بْكُلّْ إحْتِرَامْ
كُنْ سْبَعْ أَ صَاحْبِي هَادُوكْ رَاهُمْ غِيرْ قْرُودْ وْلا يْلْعَبْ عْلِيكْ الزّْمَانْ
وَ كُنْ مْنْ الْفُهَّامْ
وْلا تْوْلِّي حْكَايْتَكْ انْتَ اللّيِ تْبْدَا بْحَالْ فْقَدِيمْ الزَّمَانْ بْكَانَ يَا مَا كَانْ
وَعْكُ^دْ لْرْسَامْ
وْ يَا الزُّغْبِي حْتَّى الْعْجَايْزْ اللّيِ يْحْكَيوْهَا مَاتُو, الله يْكُونْ فْالْعْوَانْ
و هَاذَا هُوَ الْخْتَامْ
كْلامِي لِيكْ وْ مْعَاكْ مَاشِي ضْدَّكْ إِلا بْغِيتِي أنْتََ وْ أنْتِ نْزِيدُو لْلْقُدَّامْ
و إلى اللقاء إن شاء الله و السلام عليكم و رحمة الله تعالى و بركاته

https://7iwarmotla9.ahlamontada.net

2كان يا  ما كان Empty رد: كان يا ما كان الثلاثاء 12 أغسطس 2008, 11:56

سلمى

سلمى
عضو نثق به (ا)
بسم الله الرحمان الرحيم

...والصلاة والسلام على اشرف المرسلين...

اخي الكريم عطار دائما متميز في كل كتاباتك ولن اقول الا ما شاء الله على هدا الحس الطيب في الكتابة ...وعلى هده الاسطر المنمقة التي تحمل بين طياتها العجيب العجاب...

اخي بارك الله فيك ولا حرمنا الله من جديد ابداعاتك ...

3كان يا  ما كان Empty رد: كان يا ما كان الثلاثاء 12 أغسطس 2008, 14:03

الحنين مديحة

الحنين مديحة
عضو نثق به (ا)
ههههههههههههههههههههههههههههههههههههههههههههههههه
والله حتى جبتيها لاصقة
صراحة اصبحنا نرى الصورة العكسية للحياة
ولاانسى ان اقول لك شكرا بزاف على القصيدة دائما متميز

4كان يا  ما كان Empty رد: كان يا ما كان الإثنين 18 أغسطس 2008, 22:46

عطار.أبو نوال

عطار.أبو نوال
عضو نثق به (ا)
الحنين مديحة كتب:
ههههههههههههههههههههههههههههههههههههههههههههههههه
والله حتى جبتيها لاصقة
صراحة اصبحنا نرى الصورة العكسية للحياة
ولاانسى ان اقول لك شكرا بزاف على القصيدة دائما متميز


بسم الله الرحمن الرحيم
السلام عليك أختي الفاضلة مديحة و رحمة الله تعالى و بركاته
أختي أول شيء
أسألك اين أنت و ما كل هذه الغيبة ؟ نرجو من الله ألا يكون مكروها ما دهاك عنا
أما عن لاصقة
فوالله يا أختي أصبحنا نتجول في الشارع فنرى أشياء يندى لها الجبين ولا نكاد نجد من يقول اللهم إن هذا منكر
فما يظل أمام المرء إلا القلم ليعبر به عما يشاهده
و نتمنى من الله أن نرى باقي المواضيع لكل الأعضاء فمن يحب النثر فكل الأعضاء من هواته و من يحب الشعر فكلهم كذلك

خاص غير تجبد داك القلام
و تطلق للتفكر عنانو
تبع تفكيرك يهز ليك العلام
وكل عضو تشوف سنانو
كتب حروفك تسبي بيها أقوام
وإلا هضرتي الكل يطلق لسانو
ها للي يكتب ويحلف عليه بالحرام
حتى يرد على كلامك وتفنانو
إيوا نفض الغبرة على داك القلام
وقيل أهياوا عليك لجامو

https://7iwarmotla9.ahlamontada.net

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى