بسم الله الرحمن الرحيم
السلام عليكم و رحمة الله تعالى و بركاته
جيتكم اليوم , ووجهي مزنك بدمو
غير تسمعو كلامي و من بعد حكمو
إلا على التعطال , فيه بلا ما تخممو
هاديك عادتي أنا ويّاها ما نتخاصمو
المهم نبارك للعروسة والعريس وولد عمو
والعروسة نقول لها غير بالهداوة نتفاهمو
مالي إلا تعطلت ؟ ومالي حتى فمي نلجمو ؟
ومالك أختي على هاد الغوات وعلاقمو
واش ما فخباركش عطار تسالاو ليه دراهمو
و ما عنديش باش نشري الكادو و لوازمو
ماشي بحال شي ناس جايبين تصاور و يتزاحمو
هههههه
ويهضرو فيّ , كل واحد يدخل يشلل بي فمو
آآآه , عطارعارف و ساكت وما دايها غير فهمو
و الإشهار نديرو فكل وقت و نأخرو أو نقدمو
و نزيدك حاجة ,إلا كنتي باغية فالكلام نتوالمو
إلا ما كان الكادو عجل سمين بلحمو و شحمو
وكل مطرب مشهور يجي يعزف علينا نظمو
ما نزف خبر عظيم حتى يكون عندي قوامو
ماشي تصيورات , هاذا كادو وجودو بحال عدمو
ودابة نيت , راني جيت وقلبي عامر بهمو
نبارك لشي ناس وخا مورا ضهري تفاهمو
و ما عرضونيش للعرس وما دوقوني يدامو
وماشطحت ما غنيت ومن غرامة ما شديت
لا لوز شفناه ولا برقوق ولا حتى شوية د زيت
وحتى المدينة ما عارفها واش طنطان ولا تزنيت
ياك ما الجديدة , أو فاس ؟ بقيت نسول حتى مليت
من مدينة لمدينة و من دار لدار نسول حتى تصونيت
للي شافني يحن على حالي ويقول ما تشفيت
وليت بحال الجرتيلة من كثرة الدوران والتسرهيط
هاد الشي كلو حينت العرسان مخبيين علي رقم البيت
و إسم الزنقة و الحي , قاولو لي حدا تيحيحيت
مشيت حتى لعندها وسلتها , قالت لي , ياك ما تشينويت ؟
درت على جميع الشينوة ما عطاوني راس الخيط
وزدت الجابون , للي نسولو يحساب ليه عليه تفليت
من غير واحد الجابوني مسكين , شدني وداني لواحد البيت
عامر بالجراد و الفيران و عشاش سراق الزيت
قال لي تسنى هنا , دابة تجي عندك تاشينويت
قلت ليه يا هاد المزغوب , واش عرفتيني على من دويت
طلع ما فاهم ما عالم , وكان غادي يجبد لي مشكل مع سراق الزيت
بحال إلا ناقص مشاكل ,راه بكثرة المصايب معكس وليت
ما تستغربوش ,راني درت راسي فمعكسة و بها تعاديت
وليت نشرب القهوة المهرسة , نشرب و نعاود ونقول ما عييت
حتى أتاي نسيتو و هو روحي و هواي و هو عمارة البيت
و الصواني عندي مهرسة و الفنايق هربات من البيت
خايفة من التهراس , و كل شي بسباب عكس هاد العروسة نيييت
هههههههه
أنا نسول فيها على العنوان و تهضر معاي بالتشلحيت
على هاد الغدايد وليت تلميذ عند أستاذة فالجنوب إسمها تيتريت
هههههههه
باش إذا بغيت نسول نسول بالأمازيغية ديرييييكت
أزووووول يا لحباااب أزوووول , هادي كلمة سر بالتاسوسيت
هاد الجملة وتقول حد يفهمها من غيري أنا و الأستاذة تيتريت
ما تفسريش ليهم أستاذة باش حتى هما يغلطو فعنوان البيت
وللي ما عجبو حال يدخل للقسم معانا يتعلم أسرار تامازيغت
آهيا لخوووت ! راني كنموت باش نعرف لاش لهنا أنا جييت
الله يتبثنا على الشهادة , فكروني يا لخووت راني عيييت
آآآآآآآآآه
راني جيت نبارك لعاشقة زواجها , سمحي لي ختي راني نسيييت
ودابة مشى علي الحال والظلام طاح وما زال ما تعشيت
و راك عارفة قصتي مع المعدة وباش نطيب عشاي ما عندي الزيت
نمشي نتقضى حاجة خفيفة على المعدة ولا نعدي بالفريت
وفاش نرجع مرة أخرى ليك نبارك, والله يجعلو مبارك داك العفيريت
تهلاي فيه راه ولد الناس و ما عزيزة عليه تيحيحيت
وحشووومي , كيغرق فجلايلو إلا فالتلفزة شاف تاشينويت
و شميشة إلا بانت كتقلي, من حشومتو بحال إلا هو للي كيتقلى فالزيت
ههههههه
أزووووول يا لحباب أزووووول
سر خطير هاذا بيني وبي العبقرية تيتريت
أزووووووول
واخا ما فهمتونيش آش قلت ما يهمش
هههههههه
ساعود للمباركة و سامحوني دخلت نبارك و نسيت
ههههه
أنا هاذ المرة غادي نحنّْ عليكم و نهضر معاكم بالعربية باش تفهموني
سلام
فهمتوا ؟؟؟؟؟
إييوا للي عندو شي دار يمشي ليها آش واقفين كتديرو مزال
و قصة القهوة وأتاي ما غادي يفهمها حد من غير العروسة
سلام الله عليكم و رحمته تعالى و بركاته
الرئيسية
