بسم الله الرحمن الرحيم
السلام عليكم و رحمة الله تعالى و بركاته
هذه قصة لعنكبوت بالمعنى المجازي تكاد تكون حقيقية
بوصايحة يعني العنكبوت
إييييييه بوصايحة !!! من الدبان هربان
كان يا ما كان , حكاية غريبة من أيام زمان
واحد بوصايحة , همو فالدنيا شرب دم الدبان
وأي دبانة , يصرعها , خاصها غير ليه تبان
الدبانات كانويتغرُّو بقوس قزح , زاهي لْلْوان
القوس ما هُو قوس ,غير سراب من البعد يبان
ما هو غير ضوّ الشمس عاكس لوانو بتفنان
فوق الندى المنشور على خيوط منسوجة بإثقان
ناسجها بوصايحة , بحال شي لوحة راسمها فنان
لكن اللوحة , ماهي غير مصيدة بالجبن للفيران
حياتو هاديك , و الحق ماشي عليه , على الدبان
آش نقول و آش نعيد و باش يمكن نقرقب السنان
وفنهار يا السامعين! طرى حدث يحير جميع لْدهان
غير شاف واحد الدبانة , و قلبو زاد فالخفقان
بالرعدة الروح علاين تخرج , و الجسد عرقان
يا سبحان الله ! مالي أنا ؟ ولاّ يسول نفسو حيران
أهيا ! ياك ما أخّر يّامي , وليت خواف جبان؟
آآآوْ !! تهبط عينيها نرتاح ! و نترعد كيف ترفع الجفان !!!؟
مايمكنش ! واش حماقيت أنا؟ومالي وليت صهدان !!!؟
ياك ما جنية هادي ؟؟أعوذ بالله تعالى من الشيطان
بلاتي نسول غير باللطافة , لا نبقى ديمة فلْحزان
و غير نزكرها بعدا , ونقفز عليها بحال الثعبان
مسموح نسول آلْأُخت؟ كلميني يا زينة لجفان!
علاش وخا لونك كحل ؟, تباني غزالة فلعيان!؟
نطقت و قالت حكمة , ما يقولها غير حكيم فنان
الحبة السودة تعرفها أ خوي؟ كحلة و تصحح لبدان
بلال واش أخوي عارفو ؟ أول من رفع بصوتو الأذان
إلا ربي على اللون يحاسب ؟, بلال فالجنة ما كان
لقمان واش راك عارفو خوي؟ حكمو عظيمة فالقرآن
كون الكحولية كانت عيب , الحكمة ما تكون للقمان
وبياض العين ماهُو زين ,كون ما المومّو توسط العيان
العشر كون ما سوادو ,كون القمل من البعيد يبان
و الراس بلا بيه , صمة كبيرة عالية, وسط الفدان
الليل لكحل أخوي !
................صافي ختي , من كلامك صبحت حيران
وقبل تنطقي ,حسيت بقوة كلامك ,سبحانك يا رحمان
عمري ترعدت فحياتي ,حتى حسيت براسي جبان !؟
آشنو سر حياتك ختي ؟ شرحي لي يرحم والديك مزيان
خويا !! سمع ما نوصيك ! و كون لكلامي فهمان!
القوة قوة القلب النقي , ماشي قلب مغلف بالرّان
و بكلمة وحدة طيبة , تهد كل مفتاخر بقوة لْبدان
صفي قلبك يا خوي بوصايحة , وقيل عليك الدبان
بكثر الفريس شي نهار يفرسوك ,ولا بد تصبح ندمان
شوف ليك شي دبانة معقولة , كريمة بالعفة و الحنان
و من داك النهار, قلب بوصايحة, بها ولاّ ولهان
و تخلص من عوايدو , و ولا مدافع على الدبان
واخّا بعد المرات كيهاجموه دبانات فيهم الجنان
كيدوز و يعدر , و ما طالب غير مغفرة الرحمان
و شحال من مرة هجر الجمع , ورحل من لْجنان
الشجر عطاه الله , و الخلا موجود خاص غير الأمان
علامات الساعة هادي ! بوصايحة من الدبان هربان !!!
الهروب من الصداع رجولة , ماشي معناه بوصايحة جبان
وللزيادة في فهمها من قبل غير المغاربة ستأتي ترجمتها لاحقا إن شاء الله
و السلام عليكم و رحمة الله تعالى و بركاته
السلام عليكم و رحمة الله تعالى و بركاته
هذه قصة لعنكبوت بالمعنى المجازي تكاد تكون حقيقية
بوصايحة يعني العنكبوت
إييييييه بوصايحة !!! من الدبان هربان
كان يا ما كان , حكاية غريبة من أيام زمان
واحد بوصايحة , همو فالدنيا شرب دم الدبان
وأي دبانة , يصرعها , خاصها غير ليه تبان
الدبانات كانويتغرُّو بقوس قزح , زاهي لْلْوان
القوس ما هُو قوس ,غير سراب من البعد يبان
ما هو غير ضوّ الشمس عاكس لوانو بتفنان
فوق الندى المنشور على خيوط منسوجة بإثقان
ناسجها بوصايحة , بحال شي لوحة راسمها فنان
لكن اللوحة , ماهي غير مصيدة بالجبن للفيران
حياتو هاديك , و الحق ماشي عليه , على الدبان
آش نقول و آش نعيد و باش يمكن نقرقب السنان
وفنهار يا السامعين! طرى حدث يحير جميع لْدهان
غير شاف واحد الدبانة , و قلبو زاد فالخفقان
بالرعدة الروح علاين تخرج , و الجسد عرقان
يا سبحان الله ! مالي أنا ؟ ولاّ يسول نفسو حيران
أهيا ! ياك ما أخّر يّامي , وليت خواف جبان؟
آآآوْ !! تهبط عينيها نرتاح ! و نترعد كيف ترفع الجفان !!!؟
مايمكنش ! واش حماقيت أنا؟ومالي وليت صهدان !!!؟
ياك ما جنية هادي ؟؟أعوذ بالله تعالى من الشيطان
بلاتي نسول غير باللطافة , لا نبقى ديمة فلْحزان
و غير نزكرها بعدا , ونقفز عليها بحال الثعبان
مسموح نسول آلْأُخت؟ كلميني يا زينة لجفان!
علاش وخا لونك كحل ؟, تباني غزالة فلعيان!؟
نطقت و قالت حكمة , ما يقولها غير حكيم فنان
الحبة السودة تعرفها أ خوي؟ كحلة و تصحح لبدان
بلال واش أخوي عارفو ؟ أول من رفع بصوتو الأذان
إلا ربي على اللون يحاسب ؟, بلال فالجنة ما كان
لقمان واش راك عارفو خوي؟ حكمو عظيمة فالقرآن
كون الكحولية كانت عيب , الحكمة ما تكون للقمان
وبياض العين ماهُو زين ,كون ما المومّو توسط العيان
العشر كون ما سوادو ,كون القمل من البعيد يبان
و الراس بلا بيه , صمة كبيرة عالية, وسط الفدان
الليل لكحل أخوي !
................صافي ختي , من كلامك صبحت حيران
وقبل تنطقي ,حسيت بقوة كلامك ,سبحانك يا رحمان
عمري ترعدت فحياتي ,حتى حسيت براسي جبان !؟
آشنو سر حياتك ختي ؟ شرحي لي يرحم والديك مزيان
خويا !! سمع ما نوصيك ! و كون لكلامي فهمان!
القوة قوة القلب النقي , ماشي قلب مغلف بالرّان
و بكلمة وحدة طيبة , تهد كل مفتاخر بقوة لْبدان
صفي قلبك يا خوي بوصايحة , وقيل عليك الدبان
بكثر الفريس شي نهار يفرسوك ,ولا بد تصبح ندمان
شوف ليك شي دبانة معقولة , كريمة بالعفة و الحنان
و من داك النهار, قلب بوصايحة, بها ولاّ ولهان
و تخلص من عوايدو , و ولا مدافع على الدبان
واخّا بعد المرات كيهاجموه دبانات فيهم الجنان
كيدوز و يعدر , و ما طالب غير مغفرة الرحمان
و شحال من مرة هجر الجمع , ورحل من لْجنان
الشجر عطاه الله , و الخلا موجود خاص غير الأمان
علامات الساعة هادي ! بوصايحة من الدبان هربان !!!
الهروب من الصداع رجولة , ماشي معناه بوصايحة جبان
وللزيادة في فهمها من قبل غير المغاربة ستأتي ترجمتها لاحقا إن شاء الله
و السلام عليكم و رحمة الله تعالى و بركاته