الرئيسيةلما يبقى القلب عمران بالإيمان
وذكر الله بيقولو اللسان
وويا الطاعه بيكون الأمان
إفرحي وإطمني
لما تسمعي ذكر ربك.. تبقي حاسه بالخشوع
تلقي نفسك عايزه تبكي ..وع الخدود سالت دموع
ولكلام الله ورسوله.. مافي غيرو وله الخضوع
إفرحي وإطمني
لما يبقى أحلى وقتك في العباده
ولما بتأدي الفرائض.. تبقي حاسه بالسعاده
ومعاها بتصلي السنن ..و كمان زياده
إفرحي وإطمني
لما مره تعصي ربك بالذنوب
تبقي حاسه بالندم ..وبسرعه عايزه أرجع وأتوب
يبقى دينك ليك عرينك .. ضد أصناف الخطوب
إفرحي وإطمني
لما أحب الخير لكل الناس بقلبي
والمساعده لما أقدر وأدعي ربي
وف طريق الصالحين أخترتو دربي
إفرحي وإطمني
يبقى قلبك م القلوب.. اللي ربك عنها راضي
وبهداه ربي هداكي .. ما في غيرو حد هادي
للصلاة في وقتها... وقت م ينادي المنادي
أشكريه في كل حال وإفرحي وإطمني
الشاعرة السكندريه اسماء محمود
