الرئيسية
باسم الله الرحمان الرحيم
بالدارجة .المغربية
عبر العصور شحال من امم تعاقبت وكل امة عندها ثقافة خاصة ومصالح و اطماع مختالفة على الامم الاخرى وهذا هو السبب للي كيخلي الحروب تشعل وطبعا الحروب كيكون فيها اسرى . والحرب خدعة وباش تضمن خدعة مزيانة لازم معلومات على العدو
من هنا الناس تفننو فاختراع وسائل التعذيب باش يحصلو على اكبر عدد ممكن من المعلومات على العدو .
انا واحد من الناس وماشي غير انا الوحيد فالمغرب . شحال من واحد غادي يكون متافق معاي على انه حتى هو وقع ضحية لبزاف ديال وسائل التعذيب فحياتو . الفرق بيناتنا وبين بين ناس وقع عليهم التعذيب من اي امة سابقة هو انهم تعذبو على يد امة وحنا تعذبنا على يد ام
عمري ما ننسى الوالدة ربي يغفر ليها كانت كتلقي علي القبض من بعد كر و فر وكتأسرني فالحمام .
اول وسيلة تعذيب كانت كتعمر الحمام بالماء قريب من درجة الغليان وكتخشيني فيه . كنغوت ربي للي خلقني وكنتنتر باغي نخرج ولكن قوة السجان اكبر من قوة المسجون دئما ووسط الغوات كنقول والله اما باقي نعاود .غير كتسمع الوالدة هاد الجملة كتقبطني مزياااااان وكتقول . آش درتي تاني يا مسخوط الوالدين . عاد كنكتاشف بللي الوالدة باقة ما ساقت الخبار للزبلة الجديدة. وكنحس بحال الا ضربتيني بتسرفيقة .و من بعد هاد الخطأ القاتل للي درت . ما هي الا لحظات حتى كيتقلب داك الاحساس لحقيقة من بعد ما كنقول والله اما درت شي حاجة . ما كنجي فين نسالي الجملة حتى كتنزل علي تقرفيدة مخلطة بتسرفيقة و مدردرة بالنتيف وبما ان المعلومات شديدة الحساسية كتصر الوالدة على استخراجها بكل الوسائل المتاحة وفاش كتعيى من الضرب كتنتاقل للعب على النفسية بطرح اسئلة منطقية . مللي ماداير والو علاش قلتي والله اما باقي نعاود . كنبقى متمسك بالموقف ديالي وكنجاوب راه الماء جاني سخون وحرقني ما عرفتش راسي آش قلت . يالاه خرج تبرد كتقول لي الوالدة .كنجاوبها . وصافي راه نص ساعة هادي وانا فيه راه ولفتو . خرج يامسخوط الوالدين تبرد باش يطلق منك الوسخ . عمر الوالدة ما شرحات لي بللي الوسخ عنو ليدين وكيفاش كيشد وفاش كيشد للي قدرت نعرف بحكم التجربة . الا شد فيك الوسخ الله يستر لازم يرقدوك فالماء سخون بحال شي فروج باغين يريشوه ومن بعد لازمك تبرد باش يطلق منك .
غوت ما تغوتش لازم يطبقو عليك القوانين والقانون لا يحمي المغفلين . كون كنتي حاضي راسك مايقبطكش الوسخ . ومللي خليتيه يقبطك لازم تصبر باش يطلق منك .
وهاد الشي كلو غير المرحلة الاولى
بداية المرحلة الثانية لازم يدهنوك بالصابون البلدي من ضفار رجليك لشعر راسك . وطبعا عينيك فوسط راسك . والصابون ما توريهش طريقو لوسط عينيك وما توريهش كيفاش يتفنن باش يشعل ليك النار الكحلة فالمومو ديالك . وفوسط هاديك الحالة كتكون الوالدة سخنات الما للي برد باش تشللك من الصابون . دخل للبانيو يا المسخوط . كتتلقى هاد الامر الغير قابل للنقاش خصوصا فحالة الضعف للي انت فيها.. واقف فوق الزليج رجليك عامرين بالصابون عينيك عامرين بالصابون عايش حياة مصوبنة . كلك صابون وبقوة البكاء الصابون وصل حتى للقرجوطة . مصوبن من برة والداخل . لهذا كتولي غير تساوي لان اي حركة او اي كلمة فوسط هاد الظلمة المصوبنة للي انت فيها . تنزل عليك تقرفيدة يولي راسك لتحت ورجليك فالسقف .
كتلوح رجليك فاتجاه الشرق للي معلم بيه مكان تواجد البانيو . ومع السخطة د الوالدين كتنسى بللي امك فوقت الدهين دوراتك 6 ولا 7 د المرات بحال فار السويرتي وما بقيتي عارف راسك فينا اتجاه صاد .كتلوح رجليك كتجيبها فلافافو .
سماااااااااط !!!
صوت شي حاجة ما تعرفها تسرفيقة ما تعرفها تقرفيدة كتزلق وانت طاير فطريقك للارض كتلوح يدك ما كتشد غير فبدلة حارس السجن.. التي يطلقون عليها اسم الدفينة..
تشركااااااااات الدفينة
ويلي ويلي ويلي على مسخوط الوالدين اش داااااااار
انت درتي شي حاجة . لكن اشناهي . الله اعلم . الظلمة وما باين ليك والو
فهاد المرحلة اساليب التعذيب كتختالف من ام لام اخرى كل ام عندها اسلوب خاص بها حيث لا يفرض عليها القانون التقيد باسلوب معين كيف ما كان فالمرحلة الولى و الثانية
بالنسبة للحالة ديالي . كنت كنحس بللي شي مصارع مفتول العضلات هزني حتى للسما وغطسني فالما سخون
الظلمة والحرارة والعصى هاد الشي كلو فديك اللحظة ما هامنيش المهم عندي هو نغسل عيني من الصابون باش على الاقل نشوف اش كيطرى لي باش على الاقل الا عاودت فيوم من الايام حكايتي للتاريخ نحكي حاجة شفتها بعيني. ماشي شاهد على العصر ما شافش حاجة..
واخيرا الحمد لله كنحل عيني ويا ريتني بقيت مغمضها
مع الحلة د العينين كنشوف محكة ديال الحجر فيد الوالدة . الحفاري للي فيها تقريبا 2 حتى ل 3 ميلمتر
وهادي وسيلة ناجعة من وسائل التعذيب
بلا ما نطول عليكم عملية د لحكان هادي ما تبغيهاش لعدوك كتخرج منها كلك مضبور.. وقبل من الافراج المشروط ضروري من مشطة الكرن باش تسرح ليك امك شعرك طبعا المكردد
انا باغي غير نعرف ثلاث شهور وانت كتطلب امك باش تحلق راسك وهي كتقول ليك . ياك عاد حسنتي . هي عارفة الا عطاتك باش تحسن غادي تفقد العملية الاخيرة او الوسيلة الاخيرة من وسائل التعذيب
ومن بعد ساعة و نص ديال العذاب كتقول ليك امك . عذبتيني يا مسخوط الوالدين بلاش من هاد الغسيل المرمد . .حتى انا خاصني لعصى كون خليت والديك حتى ياكلك الدود . وطبعا انت كتتقبل الوضع بدون ما تناقش . خايف ترجعك للحمام
شكرا على الاهتمام
وكون ما دازش عليك هاد الشي ما كنتيش توصل لجملة
شكرا على الاهتمام
تهلى ! الله يعاونك . وغسل لولادك بالتاويل strike][/strike]
بالدارجة .المغربية
عبر العصور شحال من امم تعاقبت وكل امة عندها ثقافة خاصة ومصالح و اطماع مختالفة على الامم الاخرى وهذا هو السبب للي كيخلي الحروب تشعل وطبعا الحروب كيكون فيها اسرى . والحرب خدعة وباش تضمن خدعة مزيانة لازم معلومات على العدو
من هنا الناس تفننو فاختراع وسائل التعذيب باش يحصلو على اكبر عدد ممكن من المعلومات على العدو .
انا واحد من الناس وماشي غير انا الوحيد فالمغرب . شحال من واحد غادي يكون متافق معاي على انه حتى هو وقع ضحية لبزاف ديال وسائل التعذيب فحياتو . الفرق بيناتنا وبين بين ناس وقع عليهم التعذيب من اي امة سابقة هو انهم تعذبو على يد امة وحنا تعذبنا على يد ام
عمري ما ننسى الوالدة ربي يغفر ليها كانت كتلقي علي القبض من بعد كر و فر وكتأسرني فالحمام .
اول وسيلة تعذيب كانت كتعمر الحمام بالماء قريب من درجة الغليان وكتخشيني فيه . كنغوت ربي للي خلقني وكنتنتر باغي نخرج ولكن قوة السجان اكبر من قوة المسجون دئما ووسط الغوات كنقول والله اما باقي نعاود .غير كتسمع الوالدة هاد الجملة كتقبطني مزياااااان وكتقول . آش درتي تاني يا مسخوط الوالدين . عاد كنكتاشف بللي الوالدة باقة ما ساقت الخبار للزبلة الجديدة. وكنحس بحال الا ضربتيني بتسرفيقة .و من بعد هاد الخطأ القاتل للي درت . ما هي الا لحظات حتى كيتقلب داك الاحساس لحقيقة من بعد ما كنقول والله اما درت شي حاجة . ما كنجي فين نسالي الجملة حتى كتنزل علي تقرفيدة مخلطة بتسرفيقة و مدردرة بالنتيف وبما ان المعلومات شديدة الحساسية كتصر الوالدة على استخراجها بكل الوسائل المتاحة وفاش كتعيى من الضرب كتنتاقل للعب على النفسية بطرح اسئلة منطقية . مللي ماداير والو علاش قلتي والله اما باقي نعاود . كنبقى متمسك بالموقف ديالي وكنجاوب راه الماء جاني سخون وحرقني ما عرفتش راسي آش قلت . يالاه خرج تبرد كتقول لي الوالدة .كنجاوبها . وصافي راه نص ساعة هادي وانا فيه راه ولفتو . خرج يامسخوط الوالدين تبرد باش يطلق منك الوسخ . عمر الوالدة ما شرحات لي بللي الوسخ عنو ليدين وكيفاش كيشد وفاش كيشد للي قدرت نعرف بحكم التجربة . الا شد فيك الوسخ الله يستر لازم يرقدوك فالماء سخون بحال شي فروج باغين يريشوه ومن بعد لازمك تبرد باش يطلق منك .
غوت ما تغوتش لازم يطبقو عليك القوانين والقانون لا يحمي المغفلين . كون كنتي حاضي راسك مايقبطكش الوسخ . ومللي خليتيه يقبطك لازم تصبر باش يطلق منك .
وهاد الشي كلو غير المرحلة الاولى
بداية المرحلة الثانية لازم يدهنوك بالصابون البلدي من ضفار رجليك لشعر راسك . وطبعا عينيك فوسط راسك . والصابون ما توريهش طريقو لوسط عينيك وما توريهش كيفاش يتفنن باش يشعل ليك النار الكحلة فالمومو ديالك . وفوسط هاديك الحالة كتكون الوالدة سخنات الما للي برد باش تشللك من الصابون . دخل للبانيو يا المسخوط . كتتلقى هاد الامر الغير قابل للنقاش خصوصا فحالة الضعف للي انت فيها.. واقف فوق الزليج رجليك عامرين بالصابون عينيك عامرين بالصابون عايش حياة مصوبنة . كلك صابون وبقوة البكاء الصابون وصل حتى للقرجوطة . مصوبن من برة والداخل . لهذا كتولي غير تساوي لان اي حركة او اي كلمة فوسط هاد الظلمة المصوبنة للي انت فيها . تنزل عليك تقرفيدة يولي راسك لتحت ورجليك فالسقف .
كتلوح رجليك فاتجاه الشرق للي معلم بيه مكان تواجد البانيو . ومع السخطة د الوالدين كتنسى بللي امك فوقت الدهين دوراتك 6 ولا 7 د المرات بحال فار السويرتي وما بقيتي عارف راسك فينا اتجاه صاد .كتلوح رجليك كتجيبها فلافافو .
سماااااااااط !!!
صوت شي حاجة ما تعرفها تسرفيقة ما تعرفها تقرفيدة كتزلق وانت طاير فطريقك للارض كتلوح يدك ما كتشد غير فبدلة حارس السجن.. التي يطلقون عليها اسم الدفينة..
تشركااااااااات الدفينة
ويلي ويلي ويلي على مسخوط الوالدين اش داااااااار
انت درتي شي حاجة . لكن اشناهي . الله اعلم . الظلمة وما باين ليك والو
فهاد المرحلة اساليب التعذيب كتختالف من ام لام اخرى كل ام عندها اسلوب خاص بها حيث لا يفرض عليها القانون التقيد باسلوب معين كيف ما كان فالمرحلة الولى و الثانية
بالنسبة للحالة ديالي . كنت كنحس بللي شي مصارع مفتول العضلات هزني حتى للسما وغطسني فالما سخون
الظلمة والحرارة والعصى هاد الشي كلو فديك اللحظة ما هامنيش المهم عندي هو نغسل عيني من الصابون باش على الاقل نشوف اش كيطرى لي باش على الاقل الا عاودت فيوم من الايام حكايتي للتاريخ نحكي حاجة شفتها بعيني. ماشي شاهد على العصر ما شافش حاجة..
واخيرا الحمد لله كنحل عيني ويا ريتني بقيت مغمضها
مع الحلة د العينين كنشوف محكة ديال الحجر فيد الوالدة . الحفاري للي فيها تقريبا 2 حتى ل 3 ميلمتر
وهادي وسيلة ناجعة من وسائل التعذيب
بلا ما نطول عليكم عملية د لحكان هادي ما تبغيهاش لعدوك كتخرج منها كلك مضبور.. وقبل من الافراج المشروط ضروري من مشطة الكرن باش تسرح ليك امك شعرك طبعا المكردد
انا باغي غير نعرف ثلاث شهور وانت كتطلب امك باش تحلق راسك وهي كتقول ليك . ياك عاد حسنتي . هي عارفة الا عطاتك باش تحسن غادي تفقد العملية الاخيرة او الوسيلة الاخيرة من وسائل التعذيب
ومن بعد ساعة و نص ديال العذاب كتقول ليك امك . عذبتيني يا مسخوط الوالدين بلاش من هاد الغسيل المرمد . .حتى انا خاصني لعصى كون خليت والديك حتى ياكلك الدود . وطبعا انت كتتقبل الوضع بدون ما تناقش . خايف ترجعك للحمام
شكرا على الاهتمام
وكون ما دازش عليك هاد الشي ما كنتيش توصل لجملة
شكرا على الاهتمام
تهلى ! الله يعاونك . وغسل لولادك بالتاويل strike][/strike]
